🎗️ شهر التوحّد
“شنوّا الأسباب متاع التوحّد؟”
🔴 الحقيقة :
التوحّد ما عندوش سبب واحد.
هو نتيجة عوامل متعدّدة (multifactoriel).
فما عوامل تنجّم تزيد في نسبة الخطر، كيف :
✔️ وجود حالات في العائلة
✔️ بعض الاضطرابات النمائية
✔️ عوامل أثناء الحمل أو بعد الولادة
✔️ هشاشة بيولوجية مبكّرة
🔴 هاذم موش “أسباب مباشرة”
أما عوامل تخلي يلزمنا نكونو أكثر يقظة
معناها :
فما صغار يلزمهم متابعة أدقّ من غيرهم.
وبالنسبة للشاشات؟
إلى حدّ اليوم،
ما فما حتى دليل علمي يقول اللي الشاشات تسبّب التوحّد
أما :
الاستعمال المفرط بكري ينجم ينقص :
* التفاعل الاجتماعي
* التواصل
* التحفيز اللغوي
🔴 يعني :
موش سبب…
أما ينجم يزيد يعقّد الوضع في حالة وجود قابلية.
⸻
وشنوّا دور الـ M-CHAT ؟
هو أداة تساعدنا :
✔️ نكشفو بكري الأطفال اللي يستحقّو تقييم
✔️ خاصّة إذا كان فما عوامل خطر
ولا علامات إنذار
⸻
المهم :
معرفة عوامل الخطر
موش باش نقلقو رواحنا…
باش نراقبو بكري
باش نتدخلو بكري
باش ما نضيعوش الوقت
⚠️ الشكّ موش تشخيص
أما الشكّ يلزم يتاخذ بجدّية
عمل بالتعاون بين الجمعية التونسية للطب النفسي للطفل والمراهق وCAP
بمناسبة صدور أول دليل تونسي لاضطراب طيف التوحّد
https://stpea.tn/wp-content/uploads/2025/11/Guide-TSA-version-27-octobre.pdf
تابعونا طول شهر أفريل
باش نفسّرو التوحّد بطريقة علميّة، واضحة، ومن غير تهويل ولا تقليل